Mugarri Gazte Etxea, Etxebarriko gazteriari zuzendutako proiektua da.

San Antonio auzoan dago kokatua, helduen begirada gogaikarrietatik behar bestean urrunduta. Arratsaldero zabaltzen ditu ateak,  eta hiru azpiprograma dauzka: Gazte informazio bulegoa, elkarteen hotela, eta Gaztegunea.

Gazte informazio bulegoan, zure bizitzaren edozein alderdiri buruzko argibide oro topatzeko aukera duzu: aisialdia, bidaiak, ikasketak, enplegua, sexualitatea, etxebizitza, arazo familiarrak, aholkularitza afektiboa, medikua, etab...

Elkarteen Hotelean zeure elkartearentzako aholkularitza edo udalerriko beste elkarteetan lan egiten duten lankideentzat erakunde berria osatzeko argibideak jaso ditzakezu. Zerbitzuak honako hauek dira: idazkaritza, ordenadorea, telefonoak, enkarguak, eta zure elkartearen oinarrizko gauzak gordetzeko esparrua.

Gaztegunean, berriz, honako zerbitzu hauek dituzu: ikasgela, irakurgela, entsegu musikalen gela, batzargela eta bilgunea, egongela, telebista, filmea, edo bideoa ikusteko aukera.... Gaztegunetik tailerrak, topaguneak, irteerak, eta bestelako ekintzak antolatzen dira 15 eta 30 urte bitarteko gazteentzat.